یکجہتی

یکجہتی۔۔؟
گھروں میں دُبکے ہوئے حامیوں کا کیا مطلب؟
یہ کربلا ہے، یہاں کوفیوں کا کیا مطلب؟
تمہارے خَط ہمیں ہر دور میں بلاتے رہے
تو اب یہ کھوکھلی یک جہتیوں کا کیا مطلب ؟
عَلَم اٹھا نہیں سکتے ، کہ مر گئے ہو تم
کفن پہن لو، کفن ہی تمہارے ناپ کے ہیں !
یہ کوفیوں کی روایت ہے بعدِ قتلِ حسین
حسینیوں کو یہ کہنا، کہ ہم تو آپ کے ہیں !
سو کربلا ہو کہ کشمیر ، کیسے ممکن ہے؟
کہ کوفیوں کے دلاسوں سے اشک تھم جائیں ؟
راز احتشام

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے