Sub Khawab Man Han Kon

سب خواب میں ہیں کون سنے گا نوائے ش

گویا ہے ماورائے سماعت صدائے شب

اک چاند میرے ساتھ چلا پھر پلٹ گیا

کس ہمسفر نے ساتھ دیا ماسوائے شب

حیرت سے سوچتا ہوں کہ جشنِ طلوعِ مہر

اک ابتدائے صبح ہے یا انتہائے شب

کرنوں نے بڑھ کے روک دیا سیل تیرگی

سورج نے آ کے ختم کیا ارتقائے شب

فردا کے ایک وعدۂ روشن کے باوجود

کچھ اور ظلمتیں ہیں ابھی ماورائے شب

سعود عثمانی

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے