Shaam Ke Saaye | Beautiful Urdu Ghazal | Shuja Shaz

شام کے سائے جلتے رہیں گے

یوں ہی سورج پگھلتے رہیں گے

دل میں بس اک اُداسی رہے گی

یوں تو موسم بدلتے رہیں گے

کر کے روشن ترے راستوں کو

ہم اندھیروں میں چلتے رہیں گے

عشق کی آگ ایسی لگی ہے

موم بن کر پگھلتے رہیں گے

وقت جب بھی تراشے گا پتھر

نقش تیرے نکلتے رہیں گے

درد سینے میں ہے شاذ جب تک

زخم لفظوں میں ڈھلتے رہیں گے

شجاع شاذ

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More