Kinaare Per Koi Aya Tha

کنارے پر کوئی آیا تھا

کنارے پر کوئی آیا تھا جس کا خالی بجرا ڈولتا رہتا ہے پانی پر

کوئی اترا تھا بجرے سے

وہ مانجھی ہوگا جس کے پاؤں کے مدھم نشاں اب تک دکھائی دے رہے ہیں گیلے ساحل پر

گیا تھا کہکشاں کے پار یہ کہہ کر

ابھی آتا ہوں ٹھہرو اس کنارے پر ذرا میں دیکھ لوں کیا ہے

یہ بجرا ڈولتا رہتا ہے اس ٹھہرے ہوئے دریا کے پانی پر

وہ لوٹے گا یا میں جاؤں

مجھے اس پار جانا ہے

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے