Khush Tha Wo Mujh Ko | خوش تھا وہ مجھ کو دربدر کر کے | Poet Shuja Shaz

خوش تھا وہ مجھ کو دربدر کر کے

مطمئن میں بھی ہوں سفر کر کے

یاد بن کر لہو سے گزرے ہو

رکھ گئے ہو مجھے کھنڈر کر کے

پیار کر کے مجھے تباہ کیا

یعنی کاٹا مجھے شجر کر کے

میں سمجھتا تھا تیری منزل ہوں

تُو بھی گزرا ہے رہگزر کر کے

اپنا حاصل ہے صرف محرومی

انتظار اُس کا عمر بھر کر کے

شاذ توڑا طلسمِ شب کس نے

بُجھ گیا کون یہ سحر کر کے

شجاع شاذ

#salamurdu #urdupoetry #urdughazals #shujashaz

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More