خواہشِ خواب دیدہ اُن کے حضورﷺ

خواہشِ خواب دیدہ اُن کے حضورﷺ
سب سے پہلا قصیدہ اُن کے حضورﷺ
یہ جو عالم ہے شاہ زادوں کا
شاہ زادے خمیدہ اُن کے حضورﷺ
ساز چھیڑے ہیں اندرونِ خیال
دھڑکنیں ہیں دمیدہ اُن کے حضورﷺ
میں سُناؤں اگر ہو اذنِ کلام
داستاں چیدہ چیدہ اُن کے حضورﷺ
ایسی حالت میں کوئی کیا مانگے
میں ہوں دامن دریدہ اُن کے حضورﷺ
نعت منظور ہو کے آئی ہے
یہ نوشتہ ہے دیدہ اُن کے حضورﷺ
آئے پیغام جو کبھی آزر
جاؤں میں‌ پا بُریدہ اُن کے حضورﷺ
دلاور علی آزر

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے