ہم پہ احسان کرنے والوں میں

ہم پہ احسان کرنے والوں میں
کون ہے؟ دھیان کرنے والوں میں
پہلا نمبر خدا کا آتا ہے
ہمیں حیران کرنے والوں میں
تیری خاموشیاں بھی شامل ہیں
شہر سنسان کرنے والوں میں
اور ملوث ہے ایک خانہ خراب
صحن ویران کرنے والوں میں
روزِ محشر اٹھائے جائیں ہم
راہ آسان کرنے والوں میں
راز احتشام

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے