Es Liye Mujhy Goona Rass

اسی لیے مجھے اک گونہ راس ہے دنیا

جہان عام سہی دل کی خاص ہے دنیا

خود اپنے آپ کو مصروف کر لیا میں نے

یہ دیکھ کر کہ ترے آس پاس ہے دنیا

رسد کے ساتھ طلب اور بڑھتی جاتی ہے

کبھی جو بُجھ نہیں پاتی وہ پیاس ہے دنیا

چھپا ۓ چھپتا نہیں اس کا داغ داغ بدن

اسی لیے تو بہت خوش لباس ہے دنیا

کسی کے ساتھ نہیں اور سب کے ساتھ بھی ہے

ہر ایک دور میں دنیا شناس ہے دنیا

مرا وجود تو دنیائے خواب میں ہے سعود

سو میں تو عکس ہوں اور انعکاس ہے دنیا

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے