Chokhat Nabi (SAWW) Ki

چوکھٹ نبی ﷺکی چھوڑ کے جاتا کہاں کہاں
ان کا فقیر ٹھوکریں کھاتا کہاں کہاں

ہوتی اگر نہ آپ ﷺکی چوکھٹ اسے نصیب
آنسو گنہگار بہاتا کہاں کہاں

جیسے بیاں حضورﷺ کی خدمت میں کر دیا
ایسے میں دل کا حال سناتا کہاں کہاں

اچھا ہوا دیار سخاوت میں پڑ رہا
پھر کر صدا فقیر لگاتا کہاں کہاں

ہوتا احد کی جنگ میں شہزاد گر شریک
خود کو نہ ان کی ڈھال بناتا کہاں کہاں

(شہزاد مجددی)​

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے