اردو شاعری, اردو غزلیات, باقی صدیقی Leave a comment

بیکلی کو قرار مان گئے

بیکلی کو قرار مان گئے
لے غم زیست ہار مان گئے
آپ کے ساتھ ہی بہار گئی
آپ کا اختیار مان گئے
نہ وہ آئے نہ تو نے چین لیا
اے دل بیقرار مان گئے
اس نے جو کچھ کہا مرے حق میں
لوگ بے اختیار مان گئے
بات دشوار تھی مگر باقیؔ
مے ملی میگسار مان گئے
باقی صدیقی

اس پوسٹ کو شیئر کریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے